小熊在世界

東岸城市花蓮，擁有遼闊的海岸線

計熊仔話，到台灣東部旅行

只要貼在海邊，都值得你每天爬起身看看

福隆/宜蘭/花蓮/豐濱/台東…每個日出都是獨特的

(在地圖上標誌的海濱日出拍下)

是日多雲，太陽其實已經滿滿的出來

被一舊大雲遮蓋下，只見火焰般的雲彩，也很美吧!

這條海濱長廊，清晨是屬它最好的時分

踱步長廊，好享受新鮮空氣和太陽的微暖

可知道天未光就要離開張床有多不捨

所以到花蓮投宿，一定要選北濱街/花蓮街那一段的民宿(紅框示)

非旺季還有機會入住海景房

一起身行出露台，180度日出景觀就在眼前

下一站松園別館

早上9點正才開門，返房補眠又好，食個靚早餐又得，時間充裕

內有展館不定期更換主題，逛逛手作攤位，嘆啖茶亦得

可逗留1.5小時

講到lunchtime，點可以唔返去花蓮市的中心地帶呢

溝子尾夜市方圓300米都好旺場

拿唔係叫你日頭去夜市啊

叫你可以係依一帶搵食，試下地道排骨麵同coffee shop

食完仲可以打返個白鴿轉

光南大批發/手作店/牧場牛奶糖……統統在此聚集

食飽可以出發慶修院

上回講到熊仔踩住架單車，速度唔夠快去唔切慶修院

想一睹依座歷史三級建築，記住下晝5點關門前把握時間

黃昏時分，夜市都開始活躍起黎

一定唔可以錯過花蓮最大的自強夜市

自強夜市的串燒/鐵板雖佔一席位

但它的海鮮更頂呱呱，必試!

食飽哂仲駛去溝子尾夜市既?

放心，果度俾你行下街消化下架咋

與其叫它夜市，不如叫步行街更為貼切

就似是小型的士林夜市一樣，行街多過食野

附近的舊鐵道行人徒步區晚上仲有4D話劇show，識噴火架 (唉影唔切)

註︰

熊仔6月頭去未算旺季，沿海hostel都8成客滿，建議旺季先網上/電話預訂

花蓮的公車十分罕見，遊客多以的士代步

以上為chur盡18小時花蓮行程，慢活的可分為兩日進行

各景點資料及介紹︰

守舊的態度--松園別館、慶修院

慢活花蓮